ब्रेकिङ न्युज :

पूर्व मन्त्री नेपालद्वारा सुनकोसीमा निर्माणाधिन पौडी पोखरी निरीक्षण नेबिसंघका महामन्त्री, पूर्व सभापति र गाउँपालिका उपप्रमुख वडामै पराजित फोटो कथाः सडक हो की धराप ? बलेफी गाउँपालिकाको प्रशासकीय भवन शिलान्यास लयमा फर्कीयो एमाले, बाह्रबिसेका प्रभावशाली यूवाहरु पार्टी प्रवेश सिन्धुका जनप्रतिनिधिः दुई जनाले मात्र एमाले छाडे, फुटको असर नगन्य सिन्धुपाल्चोक १  नम्बर क्षेत्रमा लयमा फर्कीयो एमाले आङदोर्जे शेर्पाः जो सामुदायिक बिद्यालयमा एक शिक्षकलाई तलब खुवाउँदैछन एमालेबाट निर्वाचित स्थानीय तहका जनप्रतिनिधिः मेलम्चीकी उपमेयर मात्रै समाजवादीमा पहिरोका घटनामा परेर पछिल्लो २४ घण्टाको अवधिमा ६ जनाको मृत्यु

तातोपानी नाकाबाट गृहमन्त्रीको निर्देशन, ‘सीमाक्षेत्रमा अवाञ्छनिय गतिविधि हुन नदिनु’

नानीराम नेपाल, सिन्धुपाल्चोक । Sunday 26-May-2019 04:39 PM

गृहमन्त्री रामबहादुर थापाले संचालनको तयारीमा रहेको तातोपानी नाकाको स्थलगत निरीक्षण गर्नुभएको छ । आगामी सातादेखि  नाका संचालनमा ल्याउने तीव्र तयारी भइरहँदा मन्त्री थापाले सीमाक्षेत्रको सडक, पूर्वाधारसँगै सुरक्षा व्यवस्थाबारे स्थलगत  निरीक्षण र अवलोकन गर्नुभएको हो । सीमा नाकाको निरीक्षण गर्दै  गृहमन्त्री थापाले सीमाक्षेत्रमा कुनैपनि अवाञ्छनिय गतिविधि हुन नदिन स्थानीय सुरक्षा संयन्त्र र स्थानीय सरकारका प्रतिनीधिहरुलाई निर्देशन  समेत दिनुभयो ।
आगामी सातादेखि तातोपानी नाका संचालनमा आउने भन्दै मन्त्री थापाले सीमाक्षेत्रमा अवाञ्छनिय गतिविधि र क्रियाकलाप हुन नहुने बताउनुभयो । सीमाक्षेत्रको सुरक्षा संवेदनशीलताकै कारण तातोपानी नाका संचालनमा ढिलाई भएको भन्दै उहाँले चीनको राष्ट्रिय सुरक्षामा नेपालले सघाउनुपर्नेमा जोड दिनुभयो । ‘तातोपानी नाका हिजो तस्करीका कारण बद्नाम थियो, अवाञ्छनिय गतिविधि पनि भए होलान्’, मन्त्री थापाले भन्नुभयो, ‘चार वर्ष बन्द भएर यो नाका अब खुल्दैछ, कुनैपनि खालका अवाञ्छनिय गतिविधि हुन नदिनुस् ।’ मुलुकमा भ्रष्टाचार र तस्करी धन्दाले जरो गाढीरहेको तर्फ इंगित गर्दै उहाँले  तस्करी र भ्रष्टाचार नियन्त्रण गर्न नसकेमा विकास र समृद्धिको सपना पुरा नहुने बताउनुभयो ।  नाकाको स्थलगत निरीक्षणमा आउनुभएका सांसद अग्निप्रसाद सापकोटाले  सीमाक्षेत्रमा कुनैपनि गैरकानुनी क्रियाकलाप हुन नदिने बताउनुभयो । ‘सुरक्षा निकाय त छँदैछ,  आवस्यक पर्दा स्थानीय जनताले नै  सीमामा अवाञ्छित गतिविधि रोक्नेछन्’, सांसद सापकोटाले भन्नुभयो । नाका संचालनको माहौल बढिरहँदा सीमावासीमा उत्साह र उमंग जागेको भन्दै चीनसँग सीमा जोडिएको भोटेकोसी गाउँपालिकाका अध्यक्ष राजकुमार पौडेलले सांकेतिक रुपमा मात्र नभई तातोपानी नाका पूर्ण रुपमा खुल्नुपर्नेमा जोड  दिनुभयो ।
खासामा आइपुग्यो ऊन
जेठ १७ बाट नाका संचालन गर्ने द्धिदेसिय तयारी तीव्र भइरहँदा चीनको खासा क्षेत्रमा आधा दर्जन कन्टेनरमा उन लोड भइसकेको अधिकारीहरुले बताएका छन् । नेपालतर्फबाट मजदुर लगेर चिनीयाँले ६ वटा कन्टेनरमा नेपालतर्फ ल्याउनका लागि उन लोड नै गरेर तयारीका साथ राखेका छन् । आउँदो जेठ १७ तारीखमा नेपाली अधिकारीहरुलाई बोलाएर उनीहरुले उनले भरिएका कन्टेनर नेपालतर्फ  पठाउनेछन् । ‘केहि कन्टेनरमा उन लोड नै भइसकेको भनेर जानकारी आयो, १७ जेठमा ती कन्टेनरहरु  यता पठाएर चिनीयाँले नाका संचालनमा आएको शन्देश दिँदैछन्’, तातोपानी भन्सार कार्यालयका प्रमुख कृष्ण बस्नेतले भन्नुभयो । तत्कालका लागि तातोपानी नाका सांकेतिक रुपमा मात्र खुल्न लागेको सरकारी अधिकारीहरुले बताए । ‘तत्काललाई सांकेतिक रुपमा मात्र खुल्नेजस्तो बुझियो, केहि महिना त  लाग्लाजस्तो देखिन्छ’, अध्यागमन विभागका महानिर्देशक ईश्वरराज पौडेलले भन्नुभयो ।