पूर्वमन्त्री कल्पना धमलासहित तत्कालीन नयाँ शक्तिका २० जना नेता कार्यकर्ता सत्तारुढ नेपाल कम्युनिष्ट पार्टी नकेपा प्रवेश गर्ने भएका छन् ।
संघीय समाजवादी फोरम, नेपाल र नयाँ शक्ति पार्टीबीच भएको एकता सम्मानजनक नभएको उनीहरु नेकपा प्रवेश गर्न लागेका हुन् ।
पूर्वमन्त्री कल्पना धमला सहित, तत्कालिन नयाँ शक्तिका सचिवालय सदस्य देवेन्द्र पराजुली, केन्द्रीय महिला संगठनकी संयोजक मनु हुमागाईँ लगायत ठमेलका केही व्यवसायी र गोरखाका नेता तथा कार्यकर्ता गरी २० जना भाेलि नेकपामा प्रवेश गर्ने स्राेतले जनाएको छ ।
धुम्बराहीस्थित नेकपा पार्टी कार्यालयमा औपचारिक कार्यक्रम गरेर यी नेताहरुलाई पार्टी प्रवेश गराउने तयारी भएको छ ।
नेकपाका अध्यक्षद्वय केपी शर्मा ओली र पुष्पकमल दाहाल प्रचण्डनै उपस्थित भएर पार्टी प्रवेश गराउने गरी छलफल भएको स्राेतले जनाएको छ । यसअघि केहीदिन पहिले नयाँ शक्तिकी नेतृ तथा पूर्वसांसद सीमा विक नेकपा प्रवेश गरेकी थिइन् ।
पूर्वमन्त्रीसहितका नेताहरु काठमाडाैँमा प्रवेश गर्दा मनाङ ‘ख’ बाट स्वतन्त्र सांसद निर्वाचित भएका राजीव गुरुङ (दिपक मनाङे) पाेखरामा आयोजित कार्यक्ममा नेकपा प्रवेश गर्ने भएका छन् ।
उनलाई गण्डकी प्रदेशका मुख्यमन्त्रीसमेत रहेका नेकपाका प्रदेश इन्चार्ज पृथ्वीसुब्बा गुरुङले पार्टी प्रवेश गराउनेछन् । सांसद गुरुङ अहिले संसदमा नेकपालाई समर्थन जनाउँदै सत्ता पक्षकै रोमा बस्दै आएका छन् ।
चुनावताका उनी नेकपाबाटै (तत्कालीन वाम गठबन्धन) उम्मेदवार बनेका थिए । तर, विवादमा परेपछि नेकपाले उनलाई दिएको समर्थन फिर्ता लिएको थियो । समर्थन फिर्ता लिएपनि नेकपाले अर्को उम्मेदवार भने खडा गरेको थिएन् ।
ज्यान मार्ने उद्योगको आरोपमा पक्राउ परी थुनामा रहेका सांसद मनाङ्गे थुनामुक्त भएपछि शपथग्रहण गरी गण्डकी प्रदेशसभा प्रवेश गरेका थिए । सांसद मनाङे २७ हजार ३७५ रूपैयाँ धरौटीमा थुनामुक्त भएका थिए ।
उनले गत माघ १४ गते साँझ शपथ लिएका थिए । निर्वाचित भएको झण्डै नौ महिनापछि मनाङेलाई गण्डकी प्रदेशसभाका सभामुख नेत्रनाथ अधिकारीले शपथ खुवाएका थिए ।
शपथपछि मनाङेले आफ्नो क्षेत्रमा शिक्षा र विद्युतको समस्या रहेको र त्यसतर्फ आफ्नो ध्यान हुने र तत्काललाई समर्थन सरकार पक्षलाई नै हुने बताएका थिए । राजीव गुरुङ १३ सदस्यीय समिति रहने अर्थ तथा विकास समितिको सदस्यसमेत हुन् ।
स्वतन्त्र सांसद भएरभन्दा पनि संगठनमा रहेर पार्टी र जनताको काम गर्न इच्छा भएकोले उनले पार्टी प्रवेश गर्न लागेको मनाङेका निजी सचिव जगदिशनाथ योगीले जानकारी दिए ।
काँग्रेस पृष्ठभूमिका मनाङे बीचमा जनताजाती मोर्चामा पनि आवद्ध भएका थिए । दैनिक नेपाल डट् कममा समाचार छ ।
लोकप्रिय
-
१७ को मृत्यु, ७ को सनाखत
4 years ago
-
बलेफीको जोडः कृषि, पर्यटन, जलश्रोत र ब्यापार
4 years ago
-
हिजो माओवादी कमाण्डरः आज एमालेका ‘लिडर’
2 years ago