बलेफी गाउँपालिका ८ स्थित ड्यामसाइड नजिकै मोटरसाईकल दुर्घटना हुँदा तीनजना गम्भीर घाइते भएका छन् । लामोसाँघुबाट त्रिपुरासुन्दरी गाउँपालिकाको टेकानपुर जाँदै गरेको बा ६९ प ६३३३ नम्बरको मोटरसाइकल अनियनित्रत भई नालीमा खस्दा तीनजना गम्भीर घाईते भएका हुन् ।
दुर्घटनामा परि त्रिपुरासुन्दरी गाउँपालिका टेकानपुरका अमृत बोहोरा, मानध्वज बोहोरा(सानु) र शरद बोहोरा घाइते भएका हुन् । घाइते उनीहरुलाई खाडीचौरस्थित सिनधु सदावहार अस्पतालमा उपचारका लागि ल्याइएको छ । घाइतेमध्ये अमृत र मानध्वजको अवस्था गम्भीर रहेको र उनीहरुलाई काठमाडौं पठाइएको प्रहरी चौकी लामोसाँघुका ईन्चार्ज प्रनानि चित्र खुलालले बताउनुभयो । ‘टाउकोमा गम्भीर चोट छ, उनीहरुलाई यहाँ उपचार सम्भव नभएपछि काठमाडौं पठाइँदैछ’, खुलालले भन्नुभयो ।