ब्रेकिङ न्युज :

सिन्धुपाल्चोक एमालेले टुंग्यायो पालिकाको उम्मेदवार कोभिडका कारण एमाले जिल्ला अधिवेशन स्थगित सिन्धु–एमाले अधिवेशन जारी, अध्यक्षमा ५ जनाको उम्मेद्वारी पुर्व मन्त्री तामाङको अगुवाईमा सिन्धुपाल्चोकको भदौरे–नौविसे सडक कालोपत्रे हुने सिन्धु एमाले अध्यक्षमा चार जनाको दावी स्व नेपालको श्रद्धान्जली सभा सम्पन्न सिन्धुपाल्चोकबाट एमाले महाधिवेशन प्रतिनिधिमा ३१ जना सर्वसम्मत देशभरबाट एमालेको महाधिवेशन प्रतिनिधि चुनिँदै,समझदारीका लागि अध्यक्ष ओलीको आह्वान बाह्रबिसेमा गाई काटेर मासु भाग लगाईरहेका ५ जना पक्राउ तातोपानी नाकाको पूर्वाधार बिकास योजना बनाउन सचिवहरुलाई मन्त्री शर्माको निर्देशन

सवारी चालकलाई सडकमै खादा र माला

न्युज अरनिको, बलेफी Sunday 29-Sep-2019 08:07 PM

१२ असोज, खाडीचौर। चाडपर्वका हुने सक्ने सम्भावित सडक दुर्घटना न्यूनकिरणका लागि समुदाय प्रहरी साझेदारीमा सडकमै सचेतनामुलक कार्यक्रम गरिएको छ । आइतबार बिहान जिल्लाको खाडीचौर बजारमा जिल्ला प्रहरी कार्यालयले सडकमै सचेताना कार्यक्रम गरेको हो ।
सडक दुर्घटना न्यूनीकरणबारे सचेतनासँगै प्रहरीले सवारी चालकहरुलाई खादा मालाले बिदाई गर्दै यात्रुहरुलाई सुरक्षित यात्राको शुभकामना दिए । निमित्त प्रमुख जिल्ला अधिकारी भमिकान्त शर्मा, जिल्ला प्रहरी प्रमुख प्रहरी उपरीक्षक प्रज्वल महर्जन, बलेफी गाउँपालिकाका अध्यक्ष केदार क्षत्री र लिसंखुपाखर गाउँपालिका अध्यक्ष कमल नेपालले सवारी चालकहरुलाई स्वागत र बिदाई गर्दै सुरक्षित यात्राका लागि सचेतनासँगै शुभकामना ब्यक्त गर्नुभयो । काठमाडौंबाट बाह्रविसे जाँदै गरेको बा २ ख ५७७२ नम्बरको यात्रुबस र  बाह्रविसेबाट यात्रु लिएर काठमाडौं जाँदै गरेको बा २ ख ५४२४ नम्बरको बस चालकलाई खादा माला लगाइएको थियो । 
सवारी सचेतनासँगै चालक र यात्रुहरुलाई नजिकिँदो बिजयादशमीको शुभकामना समेत दिइएको थियो । प्रहरी प्रशासन र स्थानीय सरकारका प्रमुखहरुबाट सडकमै भव्य स्वागत एवम बिदाई गरिएपछि चालकहरु दंग देखिन्थे ।  चालकहरको स्वागत र बिदाईसँगै खाडीचौर चोकैमा आयोजित कार्यक्रममा सुरक्षित यात्राका सवारी चालक र यात्रुहरु स्वंयं पनि सचेत रहनुपर्ने निमित्त प्रमुख जिल्ला अधिकारी भमिकान्त शर्माले बताउनुभयो । कार्यक्रममा जीवनको लामो समय सवारी चालक बनेर बिताएका दुई जनालाई सम्मान समेत गरियो । बलेफी गाउापालिका ६ का बुद्धिध्वज लामा र त्रिपुरासुन्दरी गाउँपालिका १ का बज्रबहादुर जिरेललाई खादा लगाएर सम्मान गरिएको थियो । कार्यक्रममा बलेफी ७ का वडाध्यक्ष कार्केल लामा, ८ का वडाध्यक्ष चरिबहादुर तामाङलगायतको उपस्थिती थियो ।