ब्रेकिङ न्युज :

हेलम्बुमा पहिरो,मेलम्चीमा बाढीः भयावह क्षति कोरोना नियन्त्रणमा खटिएकाहरुलाई ‘फ्रन्टलाईनर हिरोज’ सम्मान जनतासँग किन डर ?, मापदण्डविपरीत प्रचण्डलाई थप सुरक्षाकर्मी सिन्धुबासीका लागि मध्यभोटेकोसीको आइपिओ भोलिदेखि पुनः खुल्ने सिन्धुपाल्चोकलाई विपद संकटग्रस्त क्षेत्र घोषणा पर्यटन विकासमा जुटे व्यवसायी, सिन्धुपाल्चोक पर्यटन विकास परीषद गठन   ‘पार्टी भित्रको पिलो फुटेको छ,  सचेत भएर अघि बढौँ’– सरेश नेपाल बामदेव गौतमको नेतृत्वमा देउवा सरकारमा सहभागी हुने माधव समूहको तयारी खाडीचौरमा एमाले कार्यकर्ताका नाराः गद्धार माकुने एमाले छोड मेलम्ची आएर प्रधानमन्त्रीले भने, –‘बाढीपीडितका समस्या समाधान गर्न सरकार प्रतिबद्ध छ 

प्रभावशाली जितसँगै जर्मनीले युरो २०२० मा स्थान बनायो

न्युज अरनिको, काठमाण्डौ । Sunday 17-Nov-2019 03:48 PM

एजेन्सी । मिडफिल्डर टोनी क्रुस चम्किएपछि जर्मनीले युरोकप छनोट खेलमा बेलारुसमाथि प्रभावशाली जित निकालेको छ । समूह ‘सी’ अन्तर्गत शनिबार राति घरेलु मैदानमा भएको खेलमा जर्मनीले बेलारुसलाई ४–० गोलले हरायो ।
जर्मनीको जितमा टोनी क्रुसले दुई, म्याथियस जिन्टर र लियोन गोरेट्काले एक एक गोल गरे । ४१ औँ मिनेटमा म्याथियस जिन्टरले सर्जी जिनाब्रीको पासमा गोल गर्दै जर्मनीलाई अग्रता दिलाए । जर्मनीले दोस्रो हाफमा तीन गोल गरेको थियो । ४९ औँ मिनेटमा लियोन गोरेट्काले टोनी क्रुसको पासमा गोल गर्दै घरेलु टोलीको अग्रता दोब्बर बनाए । त्यसपछि क्रुजले ५५ औँ र ८३ औँ मिनेटमा लगातार दुई गोल गर्दै जर्मनस्लाई सहज जित दिलाए । यसअघि ७५ औँ मिनेटमा बेलारुसले पेनाल्टीको मौका गुमाएको थियो ।

जितसँगै समूहको शीर्ष स्थानमा रहेको जर्मनीले सात खेलबाट १८ अंक बनाउँदै युरो कपका लागि छनौट भएको छ । चार अंक बनाएको बेलारुस चौथो स्थानमा छ । अर्को खेलमा दोस्रो स्थानमा रहेको नेदरल्यान्ड र नर्दन आयरल्यान्डले गोलरहित बराबरी खेल्दै अंक बाँडेका छन् । बराबरीसँगै नेदुल्यान्डले १६ अंक बनाएको छ । १३ अंक बनाएको नर्दन आयरल्यान्ड तेस्रो स्थानमा छ ।

यसैगरी समूह ‘ई’ को खेलमा क्रोयसिया र वेल्स विजयी भएका छन् । क्रोयसियाले स्लोभाकियालाई ३–१ र वेल्सले अजरबैजानलाई २–० गोलले हराएको छ । जितसँगै बीर्ष स्थानमा रहेको क्रोयसियाले आठ खेलबाट १७ अंक बनाएको छ । क्रोयसिया शीर्ष स्थानमा छ । १० अंक बनाएको स्लोभाकिया चौथो स्थानमा छ । तेस्रो स्थानमा रहेको वेल्सले सात खेलबाट ११ अंक बनाएको छ । दोस्रो स्थानमा रहेको हंगेरीको १२ अंक छ । एक अंकमा सिमित अजरबैजान अन्तिममा छ ।