महिला अधिकारकर्मी एवम सामाजिक अभियन्ता नानीमायाँ थापा(नेपाल) समाज कल्याण परिषदको सदस्यमा नियुक्त हुनुभएको छ । नेपाल सरकारले उहाँलाई समाज कल्याण परिषदको सदस्यमा नियुक्ती गरेको हो । जिल्लास्थित ग्रामीण महिला सिर्जनशील परिवारकी कार्यकारी निर्देशक थापा गैरसरकारी संस्था महाँसंघको केन्द्रिय सदस्य समेत हुनुहुन्छ । बिगत लामो समयदेखी सामाजिक विकास र महिला अधिकारका क्षेत्रमा उहाँ क्रियाशील रहँदै आउनुभएको छ । सरकारले परिषदको उपाध्यक्षमा डाक्टर पदम खतिवडा, सदस्य सचिवमा पुष्कर खातीलाई नियुक्त गरेकोछ । सदस्यहरुमा सिन्धुपाल्चोककी नानीमायाँ थापासहित गोविन्दबहादुर शाही, डाक्टर मणीराम बञ्जाडे, ब्रह्मध्वज गुरुङ र सुशील ज्ञवाली नियुक्त हुनुभएको छ ।