ब्रेकिङ न्युज :

दुगुनागढी माउण्टेन ट्रेल रेसः सोलुखुम्बुका सुमन कुलुङ प्रथम प्रचण्ड–माधव गुटको औपचारिक विर्सजनः पेरिसडाँडाबाट एमाले नेताहरुको बिदाई सामुदायिक रेडियो प्रसारक संघको चुनावः कांग्रेस र ओली पक्षीय सञ्चारकर्मीको गठबन्धन दुई दशकपछि काठमाडौमा मेलम्चीको पानी ओली बलियो प्रधानमन्त्री, दाहाल–नेपाललाई तनाब अनेरास्ववियुको नवगठित जिल्ला कमिटीको शपथ ग्रहण सम्पन्न देउवाले भने- म प्रधानमन्त्री बन्ने दौडमा छैन प्रचण्ड–नेपाल पक्षलाई जसरी पनि मान्यता दिन संसद सचिवालयलाई सभामुख सापकोटाको दबाव, सचिवालयले गर्यो इन्कार इन्द्रावतिमा बन्ने भयो भूकम्प स्मारक भृकुटी शान्ति पार्क बलेफीको गाउँसभाः वडा थपका लागी उपल्लो निकायमा प्रस्ताव

सिन्धु अखिलका १५ पूर्व अध्यक्षहरु ओली पक्षमा(नामसहित)

न्यूज अरनिको । Sunday 21-Feb-2021 07:29 PM

विभाजनको संघारमा रहेको नेकपाका नेता कार्यकर्ताहरुमा तिव्र ध्रुविकरण भइरहेका बेला सिन्धुपाल्चोकमा भने साविक एमाले निकट अनेरास्ववियुका अधिकांश पूर्व अध्यक्षहरु केपी ओली नेतृत्वको नेकपामा उभिएका छन् । अनेरास्ववियुका केहि पूर्व अध्यक्ष बाहेक अधिकांशले ओली पक्षमा कित्ता क्लियर गरेका हुन् । अखिलका १० भन्दा बढि पूर्व जिल्ला अध्यक्षहरु ओली पक्षमा खुलेको र शशक्त रुपमा पार्टीका गतिविधिमा लागिरहेका छन् । केहि पूर्व अध्यक्षहरु उता लाग्नयो, हामी अधिकांश त मूलधारमै छौं, अनेरास्ववियुसिन्धुपाल्चोकका पूर्व अध्यक्ष बिजयकृष्ण श्रेष्ठले भन्नुभयो । अनेरास्वियुका दोस्रो सम्मेलनबाट निर्वाचित अध्यक्ष कृष्ण श्रेष्ठ,  चौथो अध्यक्ष बालकृष्ण ढकालसहित पूर्व अध्यक्षहरु शेरबहादुर तामाङ , शम्भु सापकोटा, बिजयकृष्ण श्रेष्ठ,दीपक सुवेदी, जेपी सिलवाल, यज्ञ दंगाल, बिष्णुमणी आचार्य, शशीनाथ आचार्य, चन्द्र थिङ , ईश्वर तिमल्सिना, चरीबहादुर तामाङ ओली पक्षमा शशक्त भएर लागेका छन् । अखिलका पूर्व जिल्ला अध्यक्षहरुमध्य झम्क नेपाल, केदार क्षेत्री, टासी लामा, नेत्र पौड्याल, अर्जुन भण्डारी र हिरा चौलागाइँ प्रचण्ड माधव पक्षमा खुलेका छन् ।

संगठनको विरासत जोगाउँन र प्रधानमन्त्री केपी ओलीको  बिकास र समृद्धिको एजेण्डालाई सफल बनाउनका लागी  आफुहरु यो पक्षमा खुलेको पूर्व अध्यक्ष जेपी सिलवाल बताउँछन् । अखिलको जिल्ला नेतृत्व सम्हाल्दै हाल जनप्रतिनिधिका रुपमा रहेका  चरिबहादुर तामाङ  पनि केपी ओलीको  समृद्ध नेपालको सपना साकार पार्न  आफुहरु ओली पक्षमा खुलेको बताउँछन् ।  अखिलका पूर्व अध्यक्ष भोला बोहोरा, तुल्सी श्रेष्ठ, बेदबिक्रम कार्की  लगायत भने पार्टी परित्याग गरि  काँग्रेसको राजनीतिमा छन् । संस्थापक अध्यक्ष राजु भुजु सक्रिय  राजनीतिमा छैनन् ।