२५ फागुन । नेपाली सेनाद्वारा आयोजित लिस्तीकोट दुगुनागढी माउण्टेन ट्रेल रेसमा सोलुखुम्बूका सुमन कुलुङ्ग प्रथम भएका छन् ।
सेना दिवसका अवसरमा गोरख बक्स गण चौताराले आयोजना गरेको २१.२५ दौडमा अनिश थापा मगर दोस्रो भएका छन् भने रामेछापका बेदबहादुर सुनुवार तेस्रो भएका छन् ।

दौडमा प्रथम हुनेले १ लाख नगद पुरस्कार पाएका छन् भने दोस्रो हुनेलाई ६० हजार, तेस्रो हुनेलाई ४० हजार, चौथो हुनेलाई २० हजार, पाँचौ हुनेलाई १५ र छैटो १० हजार पुरस्कार पाएका छन् ।

सिन्धुपाल्चोक जिल्लाब्यापी रेसमा भने भोटेकोशी गाउँपालिकाका कृष्णबहादुर पौडेल प्रथम भएका छन् । मेलम्चीका श्यामकुमार तामाङ्ग दोस्रो र सहदेव खत्री तेस्रो भएका छन् ।

महिला तर्फ भोजपुरकी अनिता राई प्रथम र प्यूठानकी भूमी बुढामगर दोस्रो भएकी छिन् ।