ब्रेकिङ न्युज :

सिन्धुपाल्चोक एमालेले टुंग्यायो पालिकाको उम्मेदवार कोभिडका कारण एमाले जिल्ला अधिवेशन स्थगित सिन्धु–एमाले अधिवेशन जारी, अध्यक्षमा ५ जनाको उम्मेद्वारी पुर्व मन्त्री तामाङको अगुवाईमा सिन्धुपाल्चोकको भदौरे–नौविसे सडक कालोपत्रे हुने सिन्धु एमाले अध्यक्षमा चार जनाको दावी स्व नेपालको श्रद्धान्जली सभा सम्पन्न सिन्धुपाल्चोकबाट एमाले महाधिवेशन प्रतिनिधिमा ३१ जना सर्वसम्मत देशभरबाट एमालेको महाधिवेशन प्रतिनिधि चुनिँदै,समझदारीका लागि अध्यक्ष ओलीको आह्वान बाह्रबिसेमा गाई काटेर मासु भाग लगाईरहेका ५ जना पक्राउ तातोपानी नाकाको पूर्वाधार बिकास योजना बनाउन सचिवहरुलाई मन्त्री शर्माको निर्देशन

सिन्धु–एमाले अधिवेशन जारी, अध्यक्षमा ५ जनाको उम्मेद्वारी

न्युज अरनिको Thursday 13-Jan-2022 11:23 PM

२०७८ पौष २३ गते सिन्धुपाल्चोकको वाह्रविसेमा उद्धघाटन गरी शुरु भएको नेकपा एमाले सिन्धुपाल्चोक नवौं जिल्ला अधिवेशन अन्तरगत आज पौष २९ गते उमेरद्धारी दर्ता सम्पन्न भएको छ । अध्यक्ष पदका लागि पाँच जनाको उम्मेदवारी परेको छ ।  नेकपा एमालेको जिल्ला अध्यक्षका लागि नेताहरु बालकृष्ण देउजा, होम नारायण श्रेष्ठ, डोल्मा तामाङ, कमल नेपाल र केदार क्षेत्रीको उम्मेदवारी परेको हो ।

त्यसैगरि उपाध्यक्ष पदको लागि उमा प्रधान, जेपी सिलवाल, मित्रलाल चौलागाई र चन्द्र थिङको उम्मेदवारी परेको छ । चार जनाको उम्मेदवारी परेपनि एक जना मात्र उपाध्यक्ष हुने एमाले विधानको व्यावस्था रहेको छ । साथै एक सचिव पदका लागि रामचन्द्र बस्नेत, सोमर बोम्जन, विष्णुमणि आचार्य, कृष्ण गोपाल तामाङ, अर्जुन वहादुर भण्डारी, फईन्द्र तामाङ, यज्ञराज सापकोटा र नेत्र प्रसाद पौडेलको उम्मेदवारी परेको निर्वाचन अधिकृत शशीनाथ आयार्चले जानकारी दिए ।

त्यस्तै उपसचिवमा दुई पदका लागि नौ जनाको उम्मेदवारी परेको छ । जसमा निर्मल कुमार वन्जरा, राजकुमार सुवेदी, रामचन्द्र नेपाल, राम वहादुर सुनार, डवले लामा, शिवहरी सापकोटा, शुसिला पाख्रिन, कुष्माखर नेपाल, चिरन तामाङको उम्मेदवारी परेको छ ।

नेकपा एमालेले जिल्ला सदस्य पदका लागि विभिन्न क्लस्टरवाट एक सय उम्मेदवारी दिने गरि आवेदन लिएको हो । जसमा दलितवाट महिला २ र अन्य ३ गरि जम्मा ५ जना, अल्पसंख्यक, सिमान्तकृत, अपाङवाट महिला १ र अन्य २ गरि जम्मा ३ जना, मजदुरवाट महिला १ र अन्य १ गरि जम्मा २ जना र खुल्ला क्षेत्रवाट ३ महिला र १३ अन्य गरी जम्मा १६ जनाको उम्मेदवारी लिएको हो । साथै १२ पालिका मध्ये भोटेकोशी, त्रिपुरासुन्दरी, लिसंखुपाखर, जुगल, पाँचपोखरी थाङपाल र हेलम्वुले २ महिला सहित ५ जना, वलेफी र सुनकोशीले २ महिला सहित ६ जना र इन्द्रावती, बाह्रविसे, चौतारा साँगाचोकगढि र मेलम्चीले ३ महिला सहित ८ जना जिल्ला कमिटि सदस्य निर्वाचित हुने गरि आवेदन लिएको हो । जम्मा एक सय जना सदस्य पदका लागि एकसय पचास जनाको उम्मेदवारी परेको निर्वाचन समितिका सदस्य राजन सापकोटाले वताए ।

एक अध्यक्ष, एक उपाध्यक्ष, एक सचिव र दुई उपसचिव सहित जम्मा १०५ जना कमिटिको लागि १७५ जनाको उम्मेदवारी परेपनि अध्यक्ष मण्डलले तयार पारेको मापदण्ड, र उम्मेदवार विचको छलफल तथा सहमतिमा नेत्रित्व तथा सदस्यको टुङगो लगाईने वागमति प्रदेशका पुर्व मन्त्री एवं नेकपा एमाले केन्द्रीय कमिटि सदस्य सरेस नेपालले जानकारी दिनुभयो ।